Pengen Ketemu Dulur Jawa Suriname

Curhatan Jawa – Wes pirang dino iki aku ngrungoke streaming radio Garuda soko negoro Suriname, sedulur adoh wong Jawa neng negoro monco kang duwe cerito sejarah dowo awit jaman dijajah Londo. Aku dewe iso paham siaran radione mergone nganggo basa Jawa ngoko lan musike yo apik-apik, kepenak dirungokne nang kuping. Sedulur Jawa Suriname pancen ora ngerti basa Jawa krama alus koyok nang tanah Jawa Indonesia, dadine aku nulis kepengenan iki yo ngganggo basa ngoko sakisone he he he. Lha yo sopo ngerti dulur Jawa Suriname enek sing maca tulisanku iki lan iso ngomong-ngomong nang jagat internet.

Sing bedho soko sedulur adoh kono yo iku snadyan to adoh soko tanah leluhure nang Jawa Indonesia, budaya lan adat leluhure iseh dijaga turun tekane anak putune, dadi iseh kenthel Jawane snadyan basa nasional kang dienggo nang kono kuwi basa Londo. Yen kelingan naliko jaman sejarahe kuwi kumpeni Londo pernah ngirim wong Jawa supayane kerja nang kebon tebu ing negara kono. Yen saiki ketoke wes ono 80 ewu wong Jawa Suriname kang urip nang kono.

Streaming Radio Garuda siaran Jawa Suriname

Streaming Radio Garuda siaran Jawa Suriname

Dulur Jawa Suriname sing nang kono wes podo makmur lan urip seneng, negarane ki sugih lan rakyat podo mulya. Nanging ora podo lali karo tanah leluhure kang ono ing Jawa Indonesia. Artis-artis Jawa koyok Mas Didi Kempot, Mbokde Waljinah lan liyo-liyane ki kondang nang negara kono. Buktekno dewe yen kowe ra percoyo, coba rungokne radio Garuda sing dipancarke soko kono ning alamat iki >> http://streema.com/radios/play/14056 . Lagune akeh sing basa Jawa lan kadang yo sing siaran ki nganggo basa Jawa. Pokoke nyenengke banget, opo meneh yen iso dolan mrono terus ketemu karo dulur-dulur Jawa Suriname. Mbesuk kapan yo aku iso dolan mrono, ketemu karo dulur Jawa Suriname sing ono kono.

Sopo ngerti ono anak putu buyut utawa canggahe simbah sing ono nang kono, oh iyo aku ki yen diturut iseh anak buyute eyang Kartoredjo soko bumi Sragen, Jawa Tengah. Soko peta duwur kuwi iso dipameri jeneng kuta Tamanredjo kang ono ing negoro Suriname, uga iso dadi bukti yen sedulur Jawa Suriname tansah nguri-uri budaya leluhure soko tanah Jawa kang ono ing negoro Indonesia.

Yen dipikir maneh ki malah pengen ku dolan rono ki wes buanget pokok, pengen ngerti lan ketemu dulur Jawa Suriname sing wes podo urip mulya nang negoro Suriname kono. Kadang ki yo bingung dewe yen aku iso dolan rono ki bakale nemoni sopo, terus aku mengko turune nang ndi, mangane opo yo ono bothok landing, gedanng goreng, gethuk lan pangan Jawa sing biasa tak pangan nang kene.

Yo muga wae kepengenanku iki iso keturutan ketemu karo dulur Jawa Suriname, terus aku iso crito karo kowe neng blog iki. Matur nuwun lur, salam saking Sragen, Jawa Tengah, Indonesia kanggo kabeh wong Jawa sing ono nang ndonya iki.

Tinggalkan Balasan

Alamat email Anda tidak akan dipublikasikan. Ruas yang wajib ditandai *